Ц.Анандбазарын хүчингийн хэргийн хохирогч бүсгүй гэнэтхэн мэдүүлгээсээ буцаж, “би огт хохироогүй, би худал мэдүүлэг өгсөн учраас хариуцлагаа үүрье” хэмээн сайн дураар шүүхэд хандаж, шүүхээс ял сонсчээ

2022-10-19 4

Хохирогчоо “өмгөөлөгч” болгосон ноён-51

УИХ-ын гишүүн Ц.Анандбазарын хүчингийн хэргийн хохирогч бүсгүй гэнэтхэн мэдүүлгээсээ буцаж, “би огт хохироогүй, би худал мэдүүлэг өгсөн учраас хариуцлагаа үүрье” хэмээн сайн дураар шүүхэд хандаж, шүүхээс ял сонсчээ.  Гэрчээр, хохирогчоор 3 удаа мэдүүлэг өгсөн хохирогч бүсгүй хэрэгт холбогдогчийн өмгөөлөгч мэт аяглаж буйн шалтгаан, түүхийг Цахиур эрэн сурвалжлах нэвтрүүлэг өнөөдөр /2022.10.19/ үзүүлнэ.

Нэгдүгээр хэсэг: “Би Ц.Анандбазарыг гүтгэсэн хариуцлагаа шүүхээр хүлээе. Хялбаршуурсан журмаар шийдэж өгнө үү”

УИХ-ын гишүүн Ц.Анандбазар өөрийн хамаарал бүхий компаниудад ажилладаг охид, эмэгтэйчүүдэд бэлгийн дарамт үзүүлдэг, хүчинддэг хэргийн талаар Цахиур эрэн сурвалжлах нэвтрүүлгийг бид одоогоос нэг жилийн өмнө буюу 2021.04.25-ний өдөр олон нийтэд хүргэсэн. Уг нэвтрүүлэгт дөрвөн эмэгтэй Ц.Анандбазарын бэлгийн хүчирхийллийн хохирогч болсон талаараа ярьдаг. Мөн иргэн Б.Сүндэръяа өөрийн цахим хуудсаараа дамжуулан бэлгийн хүчирхийллийн хохирогч болсон талаараа мэдээлэл хийж, хуулийн байгууллагад шалгуулж эхэлсэн.

Нэвтрүүлэг олон нийтэд цацагдсан даруйд Мөрдөн байцаах албанаас хэргийг мөрдөн шалгаж эхэлсэн бөгөөд үүнээс зургаан сарын дараа буюу 2021.10.21-ний өдөр нийслэлийн Прокурорын газраас Эрүүгийн хуулийн 12.1-т зааснаар буюу Хүчингийн гэмт хэргийн яллагдагчаар Ц.Анандбазарыг татах тогтоол үйлдсэн.

Мөрдөн шалгах ажиллагааны хүрээнд Ц.Анандбазарыг яллагдагчаар татах үндэслэлтэй, баримтын шаардлага хангасан нэг л хохирогч тогтоогдсон нь манай нэвтрүүлэгт ярилцлага өгсөн иргэн С. Бид түүний нууцыг хадгалах, аюулгүй байдлыг хангах үүднээс нэвтрүүлэгтээ Дулмаа хэмээх хуурамч нэрээр нэрлэсэн билээ. Дулмаа нэвтрүүлэгт ярихдаа “… Тэр өдөр Багатэнгэрт олон зочин хүлээн авсан уулзалт болсон. 23.00 цагийн орчимд зочид тарж, Ц.Анандбазар хуульчийнхаа хамт үлдсэн. Тэрбээр “саунд ормоор байна, саун бэлд” гэхэд нь би саун, алчуур, хувцас зэргийг нь бэлдэж өгсөн. Сауны өрөөнд ороод, үйлчлэгч нарыг дууддаг хонхоо дарж, уух юм авчрахыг тушаасан. Би уух юм авч ороход Ц.Анандбазар халат өмсчихсөн, нүцгэн байсан учраас би ичиж, өөдөөс нь эгцэлж хараагүй. Ингэхэд “Хүний өөдөөс харсангүй” гэж уурласан. Хэсэг хугацааны дараа дахин дуудахад нь очиход бүх хувцасаа тайлчихсан, нүцгэн байсан. Би гарах гэтэл хаалгаа түгжчихсэн. Тэгээд намайг дарж аваад, хамаг хувцасыг минь урж, тайлсан. Би ширээн доор нь орж нуугдсан. Ингэхэд үснээс маань зулгааж, амыг минь хүчээр ангайлгаад бэлэг эрхтэнээ ам руу минь хийх гэж дайрсан. Энэ үйл явдал болж байхад шүршүүрийнх нь өрөөнд хууль ч нь байсан. Шүршүүрийн өрөө жижигхэн цонхтой, тэр цонхоор хуульч нь хараад зогсож байсан” гэсэн юм.

Хохирогч Дулмаагийн туулсан хүчирхийллийн энэ түүхийг тухайн үед түүнийг удирдан ажиллаж байсан “Бага тэнгэр сити” ХХК-ийн захирал Н.Цэдэвсүрэн гэрчлэн мөн гэрчлэн ярьсан ба тэрбээр “тэгэхэд ёстой балласан юм шиг байгаа юм. Өмд хувцасыг нь урсан ч билүү тийм зүйл ярьж байсан. Яг үнэндээ би сонсохоос айсан. Тиймээс сонсохыг ч хүсээгүй байх. Яагаад гэвэл надад тийм аймаар зүйл тохиолдож байгаагүй” хэмээсэн.

Мөрдөн байцаах албанаас уг хэргийг шалгаж эхэлснээр хохирогч Дулмаа гэрч, хохирогчоор үнэн зөв мэдүүлэг өгөхөө илэрхийлж баталгаа гаргаж, гэрчээр нэг удаа, хохирогчоор хоёр удаа мэдүүлэг өгсөн ба тухайн мэдүүлгүүддээ нэвтрүүлэгт ярьсан бүх түүхийг мэдүүлж, захирал асан Н.Цэдэвсүрэн ч гэрчлэн мэдүүлэг өгчээ.

Харамсалтай нь, УИХ-ын гишүүн Ц.Анандбазарыг яллагдагчаар татсаны дараа хохирогч Дулмаагэнэтхэн мэдүүлгээсээ буцаж, “би нэвтрүүлэгт оролцохдоо худал ярьсан, цагдаад ч гурван удаа худал мэдүүлэг өгсөн. Ц.Анандбазар намайг ерөөсөө хохироогоогүй, би хохирогч биш. Тиймээс шалгуулмааргүй байна” хэмээн нийслэлийн Прокурорын байгууллагад удаа дараа өргөдөл гаргаж, шалгуулахаас татгалзжээ. Гэвч цагдаа, прокурорын байгууллагаас “гэмт хэргийн шинжтэй, хүчингийн хэргийн үндэслэл тогтоогдсон” гэдэг шалтгаанаар Дулмаагийн өргөдлийг хүлээн авахаас удаа дараа татгалзаж, хүчингийн хэргийг үргэлжлүүлэн мөрдөн шалгасаар байж.

Эцэст нь, хохирогч Дулмаа “Би цагдаагийн байгууллагад худал мэдүүлэг өгсөн хэргээр хуулийн хариуцлагаа хүлээе, хялбаршуулан журмаар шүүхээр шийдэж өгнө үү” хэмээн шүүхэд хандсан байна.

Цагдаагийн байгууллагад худал мэдүүлэг өгөх нь хэрэг шалган шийдвэрлэх ажиллагааны эсрэг гэмт хэрэгт тооцогддог. Энэ талаар Эрүүгийн хуулийн тусгай ангийн 21-р зүйлд заасан байдаг ба хохирогч Дулмааг Эрүүгийн хуулийн тусгай ангийн 21.2.2-т зааснаар буюу хүндрүүлэх нөхцөлтэйгээр “худал мэдүүлэх” гэмт хэрэг үйлдсэн хэмээн Улсын яллагч С.Солонго яллах дүгнэлт үйлдэн, шүүхэд ирүүлжээ. Ингээд Чингэлтэй дүүргийн Эрүүгийн хэргийн анхан шатны шүүхэд 2022.08.04-ний өдрийн шүүх хуралдааныг шүүгч Д.Сувд-Эрдэнэ даргалж, хэргийг хянан хэлэлцсэн байна. Ийнхүү Ц.Анандбазарын хүчингийн хэргийн хохирогч Дулмаа “цагдаад худал мэдүүлэг өгсөн гэм буруугаа сайн дураар хүлээн зөвшөөрч байгаа тул хэргийг хялбаршуулсан журмаар шийдэж, надад зохих хариуцлагыг оноож өгнө үү” хэмээн шүүх танхимд өмгөөлөгч Д.Төмөрбаатарын хамтаар шүүгдэгчээр зогсчээ.

Хүчингийн хохирогч Дулмаа шүүхэд мэдүүлэхдээ “Анх tsahiur.mn сайтад ярилцлага өгч байх үедээ олон нийтийн хэрэгслээр цацна гэдгийг мэдээгүй. Яриа өгсний дараа цагдаагийн байгууллагаас дуудаад тийм зүйл болж байсан уу? гэж асуухад нь tsahiur.mn сайтад өгч байсан яриагаа дахиж ярих хэрэгтэй болсон. Хэрвээ худал гэж хэлбэл би балрах байх гэж бодоод тухайн үед ярьсан зүйлээ давтаж ярьсан. Би өөрийн гэм буруугаа сайн дураар хүлээн зөвшөөрч байна. Би өмнө нь Чингэлтэй дүүргийн 4 дүгээр хорооны нутаг дэвсгэрт байрлах Мөрдөн байцаах албаны уулзалт мэдүүлгийн өрөөнд гэрчээр нэг удаа, хохирогчоор 2 удаа мэдүүлэг өгөхдөө Ц.Анандбазар  намайг хүчиндэхийг завдаж надад хүч хэрэглэж, хувцас урсан, аманд бэлэг эрхтнээ хийх гэж оролдсон гэж худал мэдүүлэг өгсөн. Би Ц.Анандбазарыг гэмт хэрэгт холбогдуулж худал мэдүүлэг өгсөн гэм буруугаа хүлээн зөвшөөрч байна. Тийм учраас хэргийг хялбаршуулсан журмаар шийдвэрлүүлэх хүсэлтэй байна” гэжээ.

Ингээд шүүх шийдвэрээ гаргажээ. Шүүхээс

  1. Мөрдөн шалгах ажиллагааны үед гэрч, хохирогчоор үнэн зөв мэдүүлэг өгөхөө илэрхийлж баталгаа гаргасны дараа бусдыг гэмт хэрэг үйлдсэн гэж зориуд худал мэдүүлэг өгсөн гэм буруутайд тооцсугай.
  2. Эрүүгийн хуулийн тусгай ангийн 21.2 дугаар зүйлийн 2 дахь хэсэгт зааснаар шүүгдэгчид 6000 нэгжтэй тэнцэх хэмжээний буюу 6,000,000 /зургаан сая/ төгрөгөөр торгох ял шийтгэсүгэй.
  3. Шүүгдэгчид оногдуулсан 6,000,000 төгрөгөөр торгох ялыг 2 жилийн хугацаанд хэсэгчлэн төлүүлэхээр тогтоосугай хэмээн тогтоол үйлджээ.

Энэ хэргийн шүүгдэгч, Ц.Анандбазарын хүчингийн хэргийн хохирогч Дулмаа шүүхийн шийдвэр гарангуут шүүхээс оноосон 6 сая төгрөгийн торгуулийг бүтнээр нь нэг дор төлж барагдуулсан байна. Ингэснээр УИХ-ын гишүүн Ц.Анандбазарын яллагдагчаар татагдаад байгаа хүчингийн хэрэг хохирогчгүй болж, өдгөө уг хэргийг “хэрэгсэхгүй болгож хаах” саналтай нийслэлийн Прокурорын газарт хянагдаж байгаа ба эх сурвалжийн мэдээллээр өнөө маргаашгүй “хэргийг хаах” тогтоол үйлдэх аж.

Хоёрдугаар хэсэг: Хохирогч ял эдлэн байж мэдүүлгээсээ буцсан шалтгаан юу вэ?

“Би доромжлогдсон, хохирсон. Энэ хэргийг олон нийтэд хүргэж, Ц.Анандбазарт хуулийн хариуцлага хүлээлгэхийг хүсэж байна. Гол нь миний царайг нууцалж, дуу хоолойны өнгийг өөрчилж гаргаж өгөөрэй” гэж найз залуугаа дагуулан өөрийн хүсэлтээр манай редакци дээр ирж, ярилцлага өгсөн иргэн Дулмаа, Мөрдөн байцаах албанд гэрчээр нэг удаа, хохирогчоор хоёр удаа Ц.Анандбазарын бэлгийн хүчирхийллийн хохирогч болсон талаараа мэдүүлэг өгсөн иргэн Дулмаа… чухам яагаад ял эдлэн байж мэдүүлгээсээ буцав гэдгийг бид өөрөөс нь асуухаар түүнийг хайж, олж уулзсан юм.

Өдгөө Дулмаа нэгэн томоохон дэлгүүрт үнэтэй брендийн худалдагчаар ажиллаж байна. Тэр бидэнтэй ярилцахыг огт хүсэхгүй, мөн өөдөөс эгцлэн харахгүй байдалтай “би хариуцлагаа үүрсэн, одоо та нартай ярих юм байхгүй” гэсэн үгийг л давтан хэлж байв.

Сэтгүүлчийн тэмдэглэл:

Сэтгүүлчийн хувиар би хардаж байна. Хүчингийн хэргийн яллагдагч, УИХ-ын гишүүн Ц.Анандбазар хохирогчид нөлөөлсөн гэж би хардаж байна. Нөлөөлсөн байх боломжтой, хардалтын үндэслэл болсон шалтгаанууд ч надад байна. УИХ-ын гишүүн Ц.Анандбазарын холбогдсон хүчингийн хэрэг шалгагдаж эхэлснээс хойш хохирогч Дулмаа нэгээр тогтохгүй автомашинтай, орон сууцтай болсон мэдээлэл надад байна.

Дулмаа найз залуугийнхаа хамт анх манай редакцид өөрийн хүсэлтээр ирж, ярилцлага өгөхдөө “Өвчтэй аавыгаа эмчлүүлэхийн тулд цалингийн зээл авах шаардлага гарсан. Тиймээс Ц.Анандбазарын бэлгийн ёс бус үйлдлийг тэвчсээр байсан” хэмээн ярьж байсан. Мөн тэрбээр аав ээжийнхээ хашаа гэрт найз залуутайгаа амьдарч байгаа талаараа ярьж байв. Гэтэл тэрбээр өөрөө гэм буруу хүлээж, шүүхэд 6 сая төгрөгийн торгуулийг хэсэгчлэн биш бүтнээр нь төлж, сүүлийн нэг жил хүрэхгүй хугацаанд зах зээлийн үнэлгээгээр 150 сая орчим  төгрөгийн хөрөнгөтэй болсон нь, энэ 1 жил хүрэхгүй хугацаанд  тогтвор суурьшилтай өндөр цалинтай ажил хийгээгүй нь миний хардаж байгаа шалтгаан юм. Тиймээс гэмт хэргийн хохирогчид нөлөөлсөн байж болзошгүй асуудлыг шалгуулахаар МБА-ны даргад өргөдөл гаргаж байна.

Нийтлэлийн төгсгөлд онцлоход, хэдийгээр эх сурвалж  мэдээллээсээ буцсан ч, түүний нууцыг чанадлан хадгалж, аюулгүй байдлыг нь ямагт хамгаалж, хувийн мэдээллийг нь хэзээ ч ил гаргахгүй байх буюу “эх сурвалжаа чанадлан нууцлах” сэтгүүлзүйн зарчмыг чанд мөрдөж, ёсзүйг баримтлан, тасралтгүй сурвалжлан ажиллахаа илэрхийлж байна.

Ц.Анхзул – Сэтгүүлч

Эх сурвалж: https://tsahiur.mn/n/s/11269

4 responses to “Ц.Анандбазарын хүчингийн хэргийн хохирогч бүсгүй гэнэтхэн мэдүүлгээсээ буцаж, “би огт хохироогүй, би худал мэдүүлэг өгсөн учраас хариуцлагаа үүрье” хэмээн сайн дураар шүүхэд хандаж, шүүхээс ял сонсчээ”

  1. At this time it sounds like BlogEngine is the best blogging
    platform available right now. (from what I’ve read) Is that what you are
    using on your blog?

    Also visit my blog – мешки для мусора полиэтиленовые

  2. Hey I know this is off topic but I was wondering if you knew of any
    widgets I could add to my blog that automatically tweet my newest
    twitter updates. I’ve been looking for a plug-in like this
    for quite some time and was hoping maybe you
    would have some experience with something like this.
    Please let me know if you run into anything. I truly enjoy
    reading your blog and I look forward to your new updates.

    my homepage: стрейч лента для упаковки

  3. Вземете всяко малко нещо, което Transfarency трябва да предостави при следващото ви пътуване, само с Southwest.

    Here is my web-site … http://Beautydoghouse.Com.ua

  4. Почиващите, както и местните жители, използват известната количка в Ораньестад, за да се придвижват в града.

    Here is my web site :: http://www.bikinmudah.com

Leave a Reply

Your email address will not be published. Required fields are marked *

Холбоотой мэдээ

Panda Antivirus Free Download | TechSpot.Download Panda Free Antivirus for Windows –

Looking for: Download panda free antivirus for pc Click here to Download   &n

2023-01-29

VMWare – Increase Disk Space.

Looking for: Vmware workstation 12 expand disk free. Please wait while your request is being verifi

2023-01-29

Como descargar adobe acrobat 9 pro extended free. Adobe Acrobat Pro

Looking for: Download adobe acrobat 9 pro extended. Click here to Download  

2023-01-29