Монгол-Хятад Экспо 3 дахь удаагийн арга хэмжээ Өвөр Монголын Өөртөө Засах Орны Хөх хот, Улаанцав хотуудад энэ сарын 5-10-ны өдрүүдэд зохион байгуулагдана.
Энэхүү форумын зорилго нь 2 орны худалдааг нэмэгдүүлэх, дэмжлэг үзүүлэхэд стандартчилал, баталгаажуулалтын байгууллагын үүрэг оролцоо, хамтын ажиллагааг бэхжүүлэх, тодорхой салбар (уламжлалт анагаах ухаан, ноос ноолуур, аялал, уул уурхай)-ын стандартыг ижилтгэхэд чиглэж байна.
Монгол улсын Стандарт, хэмжилзүйн газар болон БНХАУ-ын Стандартчиллын удирдах газрын хооронд байгуулсан хамтын ажиллагааны санамж бичгийн 2015-2019 оны үр дүнг дүгнэж цаашид баримтлах чиг хандлагыг тодорхойлох болно.
