Өрх бүрт 30 шуудай сайжруулсан түлш өгч эхэллээ

2021-02-03 0

Баянгол дүүрэг гэр хорооллын найман хорооны өрхүүдэд 6,487.5 тонн сайжруулсан шахмал түлшийг үнэ төлбөргүй олгож байна. Тухайлбал, БГД-ийн Засаг даргын санаачлагаар цар тахлын үед иргэдийнхээ аж байдалд дэмжлэг үзүүлэх үүднээс Засаг даргын нөөц хөрөнгөөс санхүүжүүлэн, өнгөрөгч 01 дүгээр сарын 18-ны өдрөөс эхлэн найм хорооны 8650 өрхөд сайжруулсан шахмал түлшийг үнэ төлбөргүй олгож байгаа юм. Өчигдөр БГД-ийн Засаг дарга Ө.Сумъяабаатар иргэдэд үнэ төлбөргүй түлш олгож буй цэгүүдийн үйл ажиллагаатай танилцаж, иргэдийн сэтгэгдлийг сонслоо. Иргэдийн зүгээс нэг өрхөд 30 шуудай сайжруулсан шахмал түлшийг үнэ төлбөргүй олгож, бидний амьдралд бодитой дэмжлэг үзүүлж буй дүүргийн удирдлагууддаа талархаж буйгаа илэрхийллээ.

Одоогийн байдлаар 9, 10, 11, 16, 20, 21, 22, 23 дугаар хорооны иргэдэд 1,910 тонн сайжруулсан шахмал түлшийг 40 цэгээр дамжуулан 17 хоногийн турш иргэддээ олгожээ. Дашрамд дурдахад, түлшний нийлүүлэлт хэвийн байгаа бөгөөд нэг өрх нэг долоо хоногт 6 шуудай сайжруулсан шахмал түлш авах боломжтой юм. Тухайн долоо хоногтоо үнэ төлбөргүй түлшээ авч чадаагүй тохиолдолд ирэх долоо хоногт бүртгэлээ хийлгэн авч болно.

Мөн гэр хорооллын иргэдэд сайжруулсан түлш олгох ажилд дүүргийн холбогдох байгууллагуудын алба хаагчид хяналт тавин иргэдийг амны хаалт, бээлий өмсгөж, хүн хоорондын зай барьж, иргэддээ галын аюулгүй байдлыг хангах, галлагааны зөвлөмж, сэрэмжлүүлэг мэдээллийг өгч ажиллаж байна.

Comments are closed.

Холбоотой мэдээ

Ногоон автобусны хэрэг мандаасан “Тэнүүн огоо” ХХК-ийн ₮75 тэрбумын хөрөнгийг нийслэл “авна”

НИТХ-ын ээлжит бус XIX хуралдаан дөрөвдүгээр сарын 29-нд боллоо. Хуралдаанаар “Тэнүүн-огоо” ХХК-ийн

2024-04-30

Монголын эрс тэс уур амьсгалд чанараараа туршигдаж баталгаажсан адууны арьсан “Хөөндий” гутал

Цаг уурч, тэнгэр шинжээчид энэ өвлийг эхэн сараасаа хүйтэрч, цас ихтэй  олон жилийн дунджаас хүйтэн

2023-11-03

Монгол Улсын Ерөнхийлөгч У.Хүрэлсүх Үндэсний их баяр наадмыг хааж үг хэллээ

Монгол Улсын Ерөнхийлөгч Ухнаагийн Хүрэлсүх Тулгар төрийн 2232 жил, Их Монгол Улсын 817 жил, Үндэс

2023-07-12