Улсын Их Хурлын ээлжит бус чуулганы шинэ долоо хоногийн /2019.08.26-30/ үйл ажиллагааны хуваарийг хүргэж байна. УИХ дахь МАН-ын бүлгийн хуралдаан Даваа гарагт 09.00 цагаас “Жанжин Д.Сүхбаатар” танхимд болно. Даваа гарагт 11.00 цагаас Монгол Улсын Үндсэн хуульд оруулах нэмэлт, өөрчлөлтийн төсөл /Улсын Их Хурлын гишүүн Д.Лүндээжанцан нарын 62 гишүүн 2019.06.06-ны өдөр өргөн мэдүүлсэн, хоёр дахь хэлэлцүүлэг/ болно. 08 дугаар сарын 27, 28-ны Мягмар, Лхагва гарагт 10.00 цагаас Монгол Улсын Үндсэн хуульд оруулах нэмэлт, өөрчлөлтийн төсөл хэлэлцэнэ. Хэрэв ээлжит бус чуулганаар Үндсэн хуульд нэмэлт, өөрчлөлт оруулах төслийг хэлэлцэж амжихгүй бол чуулганыг 10 хоногоор сунгаж магадгүй гэнэ. Өөрөөр хэлбэл, есдүгээр сарын 1-нд хаалтаа хийх ээлжит бус чуулганыг дахин 10 хоногоор буюу есдүгээр сарын 10-ныг хүртэл сунгахаар төлөвлөөд байгаа гэдгийг УИХ-ын Тамгын газраас мэдээллээ.
