Монгол Улсын Засгийн газар, Хүнс, хөдөө аж ахуй, хөнгөн үйлдвэрийн яам, Мал эмнэлгийн ерөнхий газраас Мал эмнэлгийн тасгийг бэхжүүлэх ажлын хүрээнд 19 сумын Мал эмнэлгийн тасгийн дарга, тархвар зүйч нарт мотоцикль, оффисийн иж бүрэн тавилга, суурин компьютер, принтер хуваарилсныг аймгийн Засаг дарга Ц.Мөнхнасан, Мал эмнэлгийн газрын дарга А.Саруулжаргал, Хүнс, хөдөө аж ахуйн газрын дарга П.Гомбодорж нар гардууллаа.
Тухайн мотоциклийг тусгай захиалгаар хийлгэсэн бөгөөд ган төмөр рамтай, хигээс бүхий төмөр обуд, салхины шил, иж бүрэн хамгаалалт /малгай, арьсан болон нэхий бээлий/, дохиолол болон байршил тогтоох төхөөрөмж зэргийг суурилуулжээ. Мөн энэ үеэр аймгийн Мал эмнэлгийн газарт 2019 оны ЛАДА маркийн автомашиныг гардуулсан байна.
