Улсын онцгой комиссын гишүүн, МХЕГ-ын дарга Н.Цагаанхүүгээр ахлуулсан Ажлын хэсэг өчигдөр буюу гуравдугаар сарын 20-нд Дархан-Уул аймгийн Онцгой комиссын Шуурхай штаб дээр ажиллажээ.
Ажлын хэсгийнхэн Улсын Онцгой комиссын Шуурхай штабтай цахимаар холбогдож, нөхцөл байдлын талаар мэдээлэл өгсөн байна. Өнөөдрийн байдлаар Дархан-Уул аймагт 132 иргэн тусгаарлах байранд эмч нарын хяналтад байгаа аж.
Улсын хэмжээнд нэгдүгээр сарын 9-нөөс хойш нийт 2942 тохиолдлыг ажиглалтад авсан бөгөөд өнөөдрийн байдлаар 1804 иргэн тусгаарлагджээ. Холбогдох албаныхан тусгаарлах байруудад хяналт тавих, өндөржүүлсэн бэлэн байдлыг хангах ажлыг зохион байгуулж байна.
