Цагдаагийн байгууллагад энэ оны 03 дугаар сарын 11-ний өдөр 19 цагийн орчим Төв аймаг Өндөрширээт сум “Талын-Уул гэх газарт автомашинууд мөргөлдөж, хүн нас барсан байна” гэсэн мэдээлэл бүртгэгдсэн.
Урьдчилсан байдлаар Төв аймгийн Өндөрширээт сумын нутаг дэвсгэрт байх Талын уул гэх газар буюу Улаанбаатар-Арвайхээр чиглэлийн авто замын 170 дахь км-ийн ойролцоо Toyota Hiace маркийн автомашины жолооч Э нь жолоодож яваад Улаанбаатар хотоос Завхан аймгийн чиглэлд зорчиж явсан Kia Grandbird маркийн том оврын автобустай мөргөлдөж, Toyota Hiace маркийн автомашинд зорчиж явсан 5 хүн, жолоочийн хамт нийт 6 хүн нас барч, 2 хүүхэд гэмтсэн ослыг Төв аймгийн цагдаагийн газар шалгаж байна хэмээн цагдаагийн байгууллагаас мэдээлсэн.
Уг осолд нэг гэр бүлийн дөрвөн хүн өртөж, амь насаа алджээ. Тодруулбал, түргэний тэрэгт зорчиж явсан багш эмэгтэй, нөхөр, хоёр хүүхдийн хамт амиа алджээ. Харин уг гэр бүлээс үлдсэн 7, 14 настай хоёр охин одоо ГССҮТ-д эмчлүүлж байна.
