Манай улсад эрхтэн шилжүүлэн суулгах мэс заслын 95 орчим хувь нь амьд, эрүүл донор буюу цусан төрлийн эцэг , эх, ах, дүү, хамаатан садан нь эрхтнээ өгдөг.
Харин өндөр хөгжилтэй орнуудад тархины үхэлтэй донороос эрхтэн шилжүүлэн суулгадаг. Дэлхий дахинаа өнөөдөр эрхтэн шилжүүлэн суулгуулахаар хүлээх хуудсанд бүртгэгдсэн өвчтнүүдийн 5-10 хувь нь донор хүрэлцээгүйн улмаас эмчилгээ хийлгэж чадалгүй нас барж байна.
Манай улсад 2018 онд Засгийн газар, Эрүүл мэндийн яамнаас Донорын тухай хуулийг УИХ-д өргөн барьж батлуулж эрхтэн шилжүүлэх алба байгуулагдан ажиллаж эхэлснээр 2019 онд Нэгдүгээр эмнэлэгт тархины үхэлтэй донороос дөрвөн хүнд элэг, 11 хүнд бөөр шилжүүлэн суулгах мэс заслыг амжилттай хийжээ.
