Төв аймаг дахь цагдаагийн газар адуу хулгайлан нядалж зардаг “А”, “С” нарын 14 холбогдогчтой бүлэг этгээдүүдийг илрүүлж, мөрдөн шалгах ажиллагаа явуулж байна.
Бүлэг хулгайчид Төв аймгийн Алтанбулаг, Аргалант, Баянцогт сум, СХД-ийн 32-р хороо, ХУД-ийн “Чингэсийн хүрээ”, “Жаргалантын ам” гэх газруудаас 2019 оны 10-12 сард 10 удаагийн үйлдлээр 112 тооны адууг бэлчээрээс нь тууж хулгайлан СХД-ийн нутагт нядалж зарж борлуулдаг байжээ.
Дээрх этгээдүүд өмнө нь мал хулгайлах гэмт хэргээр ял шийтгүүлж байсан бөгөөд энэ удаагийн 10 үйлдлээр бусдад 650 сая төгрөгийн хохирол учруулсан байна.
