Нэгдүгээр сарын 12-16-ны цаг агаарын урьдчилсан мэдээ.
12-нд баруун аймгуудын зүүн өмнөд, төвийн аймгуудын баруун өмнөд болон говийн аймгуудын зарим газраар, 13-нд говийн аймгуудын зүүн хэсгээр, 14-нд баруун аймгуудын баруун хэсгээр, 15-нд Хангай, Хөвсгөлийн уулс болон говийн бүсийн өмнөд хэсгээр цас орж, явган шуурга шуурна. Салхи ихэнх хугацаанд секундэд 5-10 метр.
Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө 37-42 градус, өдөртөө 28-33 градус, Хангай, Хөвсгөл, Хэнтэйн уулархаг нутаг, Их нууруудын хотгор, Байдраг, Эг-Үүр, Орхон-Сэлэнгэ, Хараа, Ерөө, Хэрлэн, Онон, Улз голын хөндийгөөр шөнөдөө 30-35 градус, өдөртөө 19-24 градус, говийн бүс нутгийн өмнөд хэсэг болон цас багатай энгэр ээвэр газраар шөнөдөө 16-21 градус, өдөртөө 6-11 градус, бусад нутгаар шөнөдөө 23-28 градус, өдөртөө 13-18 градус хүйтэн байна.
14-нөөс хүйтний эрч бага зэрэг суларна.
