Өмнөговь аймгийн Цогтцэций сум дахь “Эрдэнэс таван толгой” ХХК-ийн туслан гүйцэтгэгч TTJVCO компанийн 12 ажилтан хоолны хордлогод орж эмнэлэгт хэвтэж байна.
Аймгийн Мэргэжлийн хяналтын газар, Эрүүл мэндийн газраас томилогдон баг газар дээр нь шуурхай арга хэмжээ авч ажиллаж хоол үйлдвэрлэлийн үйл ажиллагааг түр хугацаагаар зогсоож шаардлагатай бүх шинжилгээг авч МХЕГ-ын харьяа Хүнсний аюулгүй байдлын үндэсний лавлагаа лабораторид хүргүүлээд байна.
Одоогоор хэвтэн эмчлүүлж буй өвчтнүүдийн биеийн байдал дунд, эмчилгээ үйлчилгээ хэвийн явагдаж байна.
