Хастөмөрийн Бээжинг цагдан хорилоо

2019-10-13 0

 

“Дэлхийн Монгол Ногоон Нэгдэл” ТББ-ын тэргүүн, Хөвсгөл аймгийн уугуул Хастөмөрийн Бээжинг Эрүүгийн цагдаагийн газрынхан баривчилж 461-р хорих ангид цагдан хорьжээ.

Х.Бээжин тэргүүнтэй “Дэлхийн Монгол Ногоон Нэгдэл” ТББ нь өнгөрсөн зургадугаар сараас Сэлэнгэ аймагт ашигт малтмалын тухай хуулийн зөрчин үйл ажиллагаа явуулж буй  хятад-монгол бүлэглэлтэй тэмцэж, дуу хоолойгоо төр засгийн өндөрлөгүүдийн сонорт хүргэж чадсан.

Тийм  ч учраас МУ-ын ерөнхийлөгч анхаарлаа хандуулж, МУ-ын Ерөнхий сайд У.Хүрэлсүх үүрэг чиглэл өгч, ажлын хэсэг байгуулагдан ажилласнаар өнөөдөр Сэлэнгэ аймагт хууль бусаар үйл ажиллагаа явуулж буй компани, хувиараа алт олборлогчдын асуудал цэгцэрсэн.

Тус байгууллага байгаль хамгаалах үйлсээ үргэлжлүүлж Хөвсгөл аймгийн 27 тусгай зөвшөөрлийг цуцлуулахаар 2019 оны 10-р сарын 10-ны өдөр хэвлэлийн хурал зохион байгуулсан.

Ингэхдээ Цагдаагийн Ерөнхий газрын дарга С.Баатаржавыг байгаль орчны хуулийн хэрэгжилтийг хангуулж ажиллахгүй байгаа талаар мэдэгдэл хийсэн. Гэтэл Х.Бээжинг хэвлэлийн хурал хийсэн өдрийн орой нь Эрүүгийн цагдаагийн газраас баривчилж, хорих 461-р ангид цагдан хорьжээ.

 

Comments are closed.

Холбоотой мэдээ

“Гацуурт” -ын Л.Чинбатыг маргааш Сэлэнгэ аймагт шүүнэ

Сэлэнгэ аймгийн прокурорын газраас яллах дүгнэлт үйлдэн шүүхэд шилжүүлсэн “Гацуурт” ХХК-ийн захирал

2024-04-30

Их богд ууланд аялж явсан 56 настай эмэгтэй амиа алджээ

Баянхонгор аймаг, Баянговь сум Залаа багийн “Их богд” ууланд /аймгийн төвөөс баруун урд 306 км, сумы

2024-04-30

Б.Мөнх-Эрдэнэ, Б.Бадамдорж нар сонгомол бөхийн төрлөөр олимпын эрхийн тэмцээнд оролцоно

Туркийн Станбул хотноо ирэх тавдугаар сарын 9-12-ны өдрүүдэд олимпын эрх олгох сүүлчийн буюу дэлхийн

2024-04-27