ХБНГУ-ын Дрезден хотын шүүхээс мансууруулах бодис тээвэрлэж яваад баригдсан дипломатч Т.Мөнхбатад гурван жил, есөн сар хорих ял оноосон байна. Харин түүнтэй хамт баривчлагдсан жолооч Э.Оргилыг суллах шийдвэр гаргажээ.
Монгол Улсаас ОХУ-ын Улаан-Үүдэд суугаа Ерөнхий консулын газарт худалдааны атташегаар ажиллаж байсан Т.Мөнхбат нь 2018 онд ХБНГУ-д дипломат дугаартай, консулын газрын машинтай явж байгаад саатуулагдсан байдаг. Цагдаагийн үзлэгээр түүний хөлөглөж явсан машинаас зөвхөн эмчийн зөвшөөрлөөр л олгодог 150 мянган ширхэг сэтгэц нөлөөт буюу тайвшруулах, мансууруулах үйлчилгээтэй эм илэрсэн билээ.
