Нийслэлийн Мэргэжлийн хяналтын газар, Цагдаагийн Ерөнхий газрын Хүрээлэн буй орчны хяналтын хэлтсийн алба хаагчдын хамтарсан баг мансууруулах өвс тээвэрлэж явсан залуусыг илрүүлжээ. Тодруулбал, есдүгээр сарын 05-ны өглөөний 05.30 минутад Гүнтийн давааны хяналтын цэгийн шалгалтаар иргэн Б.Н, Х.Д нар УБН улсын дугаартай Toyota Premio маркийн суудлын автомашинаар 36,5 кг буюу таван шуудай сэтгэцэд нөлөөлөх төрлийн ургамлыг орон нутгаас тээвэрлэж явж байгаад баригдсан байна. Залуусыг баривчилж Чингэлтэй дүүргийн Цагдаагийн хоёрдугаар хэлтэс, Цагдаагийн Ерөнхий газрын Хар тамхитай тэмцэх газарт хүлээлгэн өгсөн байна.
