Монголын үндэсний олимпийн хороо /MҮОХ/-ны гишүүдийн ээлжит бус хурал өнөөдөр /2020.08.14/ болж байна. Хоёр ч удаа товлогдоод хойшилсон ээлжит бус энэ хурлаар Монгол үндэсний олимпийн хорооны гүйцэтгэх зөвлөл дэх сул орон тоог сонгох сонгуулийн ажил болон бусад ажлуудыг хэлэлцэх юм. Өнөөдөр тус хорооны ерөнхийлөгч, дэд ерөнхийлөгчийг сонгоно.
2019 онд Д.Загдсүрэн өөрийн хүсэлтээр ерөнхийлөгчийн албан тушаалаа хүлээлгэн өгснөөс хойш хорооны дэд ерөнхийлөгч Б.Баттүшиг түр гүйцэтгэж байгаа юм. Энэ удаагийн МҮОХ-ны ерөнхийлөгчийн сонгуульд МУГТ, олимпийн аварга Н.Түвшинбаяр ганцаараа өрсөлдөж байна. Монголын үндэсний олимпийн хорооны дүрмийн 14.4.5-д “Ерөнхийлөгчид нэр дэвшигч нийт саналын 50-иас дээш хувийг авсан тохиолдолд сонгогдсонд тооцно” гэж заасан.
