Дорноговь аймаг дахь Замын-Үүд хилийн боомтоор БНХАУ-аас орж ирсэн авто тээврийн жолоочоос коронавирус илэрчээ. Жолооч халуурсан шинж тэмдэгтэй байсан гэх ба түргэвчилсэн оношлуурын хариу эерэг гарчээ. Түүнийг эхлээд аймгийн нэгдсэн эмнэлэгт тусгаарласан байна. Харин дахин авсан шинжилгээг Халдварт өвчин судлалын үндэсний төвд хүргүүлэн шинжилж байгаа ба баталгаат хариу 24 цагийн дотор гарна гэдгийг албаныхан хэллээ. Халдвартай жолоочтой хавьталд орсон гэх сэлгээний жолооч нь Улаанбаатар руу явж байсан гэх ба өчигдөр орой түүний байршлыг тогтоож, тусгаарлаад байгаа аж.
