Энэ жилийн үндэсний их баяр наадам “Hero” Б.Баатарын хэлснээр бүхэлдээ “Монгол наадам” контент болгон боловсруулж, олон улсад аялал жуулчлалын брэнд бүтээгдэхүүнээр түгээн сурталчлах видео бүтээл болгож авч үлдэх аж. Санаачлагын хүрээнд 13 дугаар зуун цогцолбор газар хамгаалалтад гарах цагдаагийн алба хаагч нар дүрэмт хувцсаараа бус Монгол баатрын дээлээр жигдрэх болжээ.
Тулгар төрийн 2229, Их Монгол Улсын 814 жил, Ардын Хувьсгалын 99 жилийн ойн үндэсний их баяр наадмын бөх, сур, шагайн харвааг 13 дугаар зуун цогцолборт, зургаан насны морин уралдааныг Хүй долоо худагт зохион байгуулж, хүн амын төвлөрөл үүсгэхгүйгээр иргэд олон нийтэд онлайн, теле хэлбэрээр шууд дамжуулан үзүүлнэ.
