УИХ-ын гишүүн, Хууль зүйн сайд асан Х.Тэмүүжин 2020 оны УИХ-ын сонгуульд Төв аймагт Ардчилсан намын ерөнхий нарийн бичгийн дарга Ц.Туваан, ҮБХ-ны гишүүн Д.Эрдэнэсувд нартай нэг баг болж нэр дэвшихээр болсон байна.
Эдгээр нэр дэвшигчид бүгд Төв аймгаас гаралтай.
Ц.Туваан, Д.Эрдэнэсувд нар анх удаагаа УИХ-ын сонгуульд нэр дэвших бол Х.Тэмүүжиний хувьд энэ сонгууль дөрөв дэх удаагийн сонгууль болно.
Х.Тэмүүжин өмнө нь хоёр удаа УИХ-д сонгогдохдоо 2008 онд Баянголын дүүргээс, 2012 онд УИХ-ын сонгуулийг холимог тогтолцоогоор явуулахад АН-ын жагсаалтын дөрөвдүгээрт бичигдэж, УИХ-ын гишүүнээр сонгогдон, давхар Хууль зүйн сайдын албан тушаал хашиж байсан юм. Харин өнгөрөгч 2016 оны сонгуулиар Сүхбаатар дүүрэгт нэр дэвшин МАН-ын Ц.Мөнх-Оргилд өвдөг шороодсон бол энэ удаад төрсөн нутагтаа хүч сорихоор шийджээ.
