Булган аймагт энэ он гарсаар 23,5 мянган толгой мал хорогджээ. Цас их унасан Баян-Агт, Сайхан, Могод суманд 3,6-8,1 мянган толгой мал хорогдсон байна. Аймгийн хэмжээнд авч үзэхэд 1570 адуу, 1559 үхэр, 13381 хонь, 7081 ямаа хорогдсон мэдээ байна.
Бэлчээрийн даацын хэтрэлт, ургамал, өвсний гарц тааруу, улийн цагаан оготно ихээр тархсан, отор нүүдлийн хөлд дарагдсан, цас их унасан зэрэг олон шалтгаан хаваржилт хүндрэхэд хүргэжээ.
Цагийн энэ хүнд үед төлөг, борлон, бяруу зэрэг өсвөр мал өвс, тэжээлийн дутагдлаас болж өлдөн ихээр хорогдож, төллөх эх мал хээл хаяж байгаа аж.
