Ар гүнтийн давааны замд өчигдөр 33 хүний суудалтай Дотоод хэргийн их сургуулийн ажилчдын автобус осолдож долоон хүн амь насаа алдсан. Ослын газар дээр зургаан хүн, эмнэлэг нэг хүн нас барж, 20 гаруй хүн Гэмтэл согог судлалын үндэсний төвд хүргэгдсэн байна.
Автобусанд тус сургуулийн ажилчид зорчиж явсан ба Тээврийн цагдаагийн албаны жижүүрийн шуурхай бүрэлдэхүүн Гэмтэл согог судлалын үндэсний төв дээр ажиллаж байна.
Урьдчилсан байдлаар тухайн автобусны жолооч ямар нэг согтууруулах ундааны зүйл хэрэглээгүй “автобус огт тоормосгүй болсон учраас осол гарсан” гэж мэдүүлжээ. Тэгэхээр автобус халтиргаатай замын огцом хэсэгт тормозгүй болсноор далан руу онхолдсон гэдэг урьдчилсан таамаглал үнэн аж.
