Энэтхэгийн элчин сайдын гэргий бэлгийн хүчирхийлэлд өртсөн бага насны хохирогч хүүхдийг хамгаалах “Үжин” төвийн үйл ажиллагаатай танилцлаа.
Уулзалтад “Үжин” төвийн хамт олон, Монголын эмэгтэйчүүдийн төлөөлөл оролцож Монгол улсын хүчирхийллийн эсрэг үйл ажиллагаа, эрсдэлт нөхцөлд байгаа хүүхдүүд, гэмт хэргийн хохирогч хүүхдийн эрх хамгаалал, хүүхэд хамгааллын хариу үйлчилгээ, Энэтхэг хүүхэд, эмэгтэйчүүдийн эрх, эмэгтэй сайд нарын үйл ажиллагаа, хүчирхийллийн эсрэг тэмцэл муж, тосгодоор хэрхэн өрнөсөн тухай олон сэдвээр нээлттэй өгөөжтэй ярилцлаа. Бүсгүйчүүд “Бурхан багш”олон ангит киноны талаар хүртэл харилцан ярилцаж, санал бодлоо солилцсон сайхан уулзалт боллоо. Энэхүү үр өгөөжтэй уулзалтыг Монголын эмэгтэйчүүдийн холбооны ерөнхийлөгч Б.Оюунгэрэлд зохион байгуулсан байна.
