Говь-Алтай аймгийн Баян-Уул сумын нутагт, сумын төвөөс зүүн зүгт 22 километрийн зайд орших “Шаврын гол” гэдэг газар байгуулагдсан “ХИЙМЭЛ НУУРАНД” өчигдөр буюу 2020.07.29-ны өдөр 21 настай Б, 16 настай, эрэгтэй Н нар бусад дөрвөн хүний хамт хиймэл нуурыг сонирхож очоод, амь насаа алдсан харамсалтай хэрэг гарчээ.
Уг ослын тухай дуудлагаар Говь-Алтай аймгийн Онцгой байдлын газрын Эрэн хайх, аврах бүлгийн алба хаагчид 180 километр зам туулан очиж, хиймэл нуураас иргэн Б, Н нарын цогцсыг гаргаж, цагдаагийн байгууллагад шилжүүлэн өгсөн.
Иймд Баян-Уул сумын иргэд хөдөлмөрчдийг Хиймэл нууранд очихгүй байхыг анхааруулж байна.
Цэл залуухан насандаа Аймгийн заан цол хүртэж, ирээдүйд бөхийн дэвжээнд Говь-Алтайчуудын нэрийг гаргах байсан залуу бөх Даваанямын Бямбадорж, эгэл жирийн Монгол залуу 16-хан настай хүү хоёрын ар гэр, төрөл төрөгсөд, найз нөхдөд нь гүн эмгэнэл илэрхийлье.
Эх сурвалж: www.govialtainews.mn
