СХД-ийн 20 дугаар хорооны нутаг дэвсгэр Хүнс трэйд компанийн хажуу талын хашаанд гарсан түймэр одоог хүртэл намжихгүй байна. Тухайн хашаанд их хэмжээний хар цаас хадгалагдаж байсан тухай ойр хавийн иргэд хэлж байна. Түймрийг унтраахаар СХД, ХУД-ийн онцгой байдлын алба хаагчид ажиллаж байна.
Түймэр гарч буй хашааны салхин дор ШТС байрладаг учраас албаныхан анхаарал сэрэмжтэй ажиллаж иргэдийг болзошгүй аюулаас сэрэмжлүүлэх арга хэмжээ авч ажиллаж байна.
Ойрын өдрүүдэд салхи шуурга ихтэй мөн хуурайшилт маш өндөр байгаа учраас иргэдийг гал түймрийн аюулаас сэрэмжлэхийг холбогдох албаныхан анхааруулж байна.
