Дархан-Уул аймгийн Дархан сумын 15 дугаар баг, Их сургуулийн 4 дүгээр гудамжинд бага насны гурван охин хэрэглээний халуун усанд түлэгдэж амиа алдсан харамсалтай хэрэг энэ сарын 06-ны өдөр гарсан.
Тухайн үед охидын аав Өмнөговь аймагт ажилтай, ээжийг нь хичээл амарсан ч цэцэрлэгийн эрхлэгч нь ой тэмдэглэх баярын концерт бэлтгэхээр дуудсан хойгуур охид амиа алдсан юм.
Суултуурын хоолой бөглөрснөөс паар хагарч, улмаас халуун ус асгарахдаа газарт байсан уртасгагч руу орж, охид тогонд цохиулж амиа алдсан. Талийгаач охидын араас Монголчууд харасан гашуудаж, үрсээ алдсан аав ээжид буяны ажлын үеэр хандив цуглуулж тусласан.
Харин харамсалтай тохиолдлоор эндсэн гурван охины аав, ээж болох Г. Чинбат, Б.Алтанзул нар сайхан сэтгэлт хүмүүсийн илгээсэн хандивын мөнгөөр Улаанбаатар хот ГССҮТ-ийн Түлэнхийн төв, Сэлэнгэ, Орхон, Дархан-Уул аймгийн нэгдсэн эмнэлгийн хүүхдийн тасгуудад хүчилтөрөгч өтгөрүүлэгч аппарат, цэр соруулах аппарат, утлагын аппарат авч бэлэглэжээ.
