Цахилгаан, дулааны дуудлагын үйлчилгээг үнэ төлбөргүй болгох үүрэг өглөө

2020-11-13 0

Гамшгаас хамгаалах Түлш, эрчим хүчний Улсын албаны ээлжит хурал 2020 оны 11 дүгээр сарын 13-ны өдрийн 09:00 цагт боллоо. Хурлын үеэр Улаанбаатар хотын хэмжээнд хөл хорио тогтоосонтой холбогдуулан тулгамдаж буй асуудлуудыг шийдвэрлэх гарц, цаашид авч хэрэгжүүлэх үйл ажиллагааны талаар хэлэлцлээ.

Тээврийн цагдаагийн албанаас Улаанбаатар хотын хөдөлгөөнд оролцож буй хувийн тээврийн хэрэгслийн зорчих хэсгийг хязгаарлахаа мэдэгдсэн. Гамшгаас хамгаалах бүх нийтийн бэлэн байдал зарласан энэ үед Улаанбаатар хот дахь эрчим хүчний салбарын үйл ажиллагааг хэвийн үргэлжлүүлэхийн тулд ээлжийн ажилтай ажилчдын замын хөдөлгөөнд саадгүй зорчих эрхийг нээж өгөхийг сайд Н.Тавинбэхээс Улсын Онцгой Комисс /УОК/-т уламжилж өгөхийг хүслээ. Ингэснээр эрчим хүчний үйлдвэр компаниудын шуурхай ажиллагаа, техникийн ажиллагааны үед авах арга хэмжээнд доголдол үүсэхгүй юм.

Мөн бүх нийтийн бэлэн байдлын зэрэгт шилжүүлсэн хугацаанд эрчим хүчний салбарын зарим төлбөрт үйлчилгээг үнэ төлбөргүй үзүүлэхийг Эрчим хүчний сайд бөгөөд Түлш, эрчим хүчний Улсын албаны дарга Н.Тавинбэх холбогдох үйлдвэр, компанийн захирлуудад үүрэгдлээ. Хэрэглэгчдээс ирүүлж буй цахилгаан, дулааны хангамжийн талаарх дуудлага хүсэлтэд холбогдох үйлчилгээ үзүүлэхдээ төлбөр хураамж авалгүйгээр хурдан шуурхай арга хэмжээ авч ажилла гэв.

Холбоотой мэдээ

Нийслэл дэх нийт тохиолдлын 23.1 хувь нь дуудлагын бариачтай холбоотой

ЭМЯ-ны өнөөдрийн /2020.11.16/ мэдээллийн үеэр Халдварт өвчин судлалын үндэсний төвийн урд талд байрл

2020-11-26

ШӨХТГ: Бараа бүтээгдхүүнийхээ үнийг нэмсэн дэлгүүрийн зургийг илгээгээрэй

Бүх нийтийн бэлэн байдал онцгой нөхцөл байдлын үед худалдаа эрхлэгчид өргөн хэрэглээний

2020-11-24

Нүүрс тээврийн 6000 жолоочид PCR шинжилгээ хийнэ

Нүүрс тээврийн экспортын гол боомтуудад мөн халдвар хамгааллын дэглэмүүдийг чангатгаж, ачаа тээврийн

2020-11-23