Мал их хэмжээгээр нядалснаас үүдэж нислэг саатжээ

2019-08-19 0

Улаанбаатар-Өлгий чиглэлийн «Хүннү эйр» компанийн нислэг наймдугаар сарын 10-15-ны хооронд саатжээ.

Учир нь наймдугаар сарын 11-13-нд тохиосон ислам шашинтнуудын ариун Хурбаан айт баярын үеэр их хэмжээгээр мал нядалснаас шувууны бөөгнөрөл үүссэн байна. “Улаанбаатар-Өлгий чиглэлд нислэг үйлддэг “Аэромонголиа” компанийн онгоц өглөө эрт буудаг тул хүндрэл гараагүй. Харин үдээс хойш буух хуваарьтай “Хүннү эйр” компанийн онгоц тухайн хугацаанд аюулгүй байдлыг хангах үүднээс Ховд хотод буусан.

Баян-Өлгий аймгийн зорчигчдыг Ховд хүртэл автоусаар хүргэж, Улаанбаатараас ирсэн зорчигчдыг тосож авч байлаа. Харин 16-наас нислэг хэвийн үргэлжилсэн” гэж албаныхан мэдээллээ.

Хурбаан айт баяраас өмнө орон нутгийн болон нисэх буудлын удирдлага нислэгийн аюулгүй байдлыг хангах зохицуулалт хийж, бүх малыг битүү, зориулалтын байранд нядлах, хаягдлыг нь хогийн цэгт булах арга хэмжээ авахуулжээ. Гэвч хогийн цэг Өлгий хотод маш ойрхон байрлаж байгаа нь шувуу бөөгнөрөх шалтгаан болж хүндрэл учруулсан аж.

Холбогдох стандартын дагуу хогийн цэг онгоцны буудлаас 15 км-ээс хол байрлах ёстой тул уг асуудлыг шийдвэрлэх саналаа аймгийн удирдлагуудад хүргүүлсэн байна.

Холбоотой мэдээ

Орон нутгийн иргэдийг нийслэлээс буцаах хуваарь гарлаа

Нийслэлийн онцгой комиссоос орон нутгийн иргэдийг буцаах хуваарь гаргалаа. Нийслэлийн онцгой коми

2021-01-25

Малын хөлийн татварыг орон нутгийн хөгжлийн санд төвлөрүүлж зарцуулна

УИХ-аас 2020 оны арваннэгдүгээр сарын 13-нд баталсан Монгол Улсын 2021 оны төсвийн тухай хуули

2021-01-02

“ЭРДЭНЭС-ТАВАНТОЛГОЙ” ХК-ИАС ЦОГТЦЭЦИЙ СУМАНД 500 ШИРХЭГ ТҮРГЭВЧИЛСЭН ОНОШЛУУР ХАНДИВЛАЛАА

“Эрдэнэс-Тавантолгой” ХК-иас нийгмийн хариуцлагын хүрээнд кроновирус уушгины хатгалгааны иммуглобины

2020-11-18