Жилийн засал, номоо цахимаар айлтгуулах боломжтой боллоо

2020-02-27 0

Шинэ төрлийн коронавирусын дэгдэлтээс урьдчилан сэргийлэх өндөржүүлсэн бэлэн байдлын хүрээнд Зүүн Хүрээ Дашчойлин хийд “Dashichoiling” аппликэйшнийг ашиглан засал, номоо цахимаар айлтгах боломжийг бүрдүүлээд байна.

“Dashichoiling”  аппликэйшнийг ашиглан хэрхэн засал номоо айлтгуулах зааврыг хүргэе.
1. Та android юм уу, iOS үйлдлийн систем бүхий гар утас, таблет зэрэг төхөөрөмжиндөө PlayStore/AppStore-т “Dashichoiling”  аппликэйшнийг хайлт хийн татаж суулгана. (Мөн таны төхөөрөмжинд мобайл банкны аппликэйшн байвал ном захиалах үйл явц илүү хялбар болох юм)
2. Татагдсан аппликэйшн рүү ороход 4 сонголттой цонх гарч ирнэ. Үүний “Ном уншуулах захиалга” цонхон дээр дарна.
3. Цонхыг нээж, “Хэнээс”, “Хэнд”, “Утасны дугаар” хэсгийг бөгөлж гүйцээд “Ном захиалах” товчийг дарна.
4. Дараа нь “Айлтгах номын жагсаалт” гэдэг цэс гарч ирэх ба үүнээс ямар, ямар ном айлтгахаа сонгон доор байрлах “Захиалга өгөх” гэсэн ногоон товчийг дарна.
5. “Захиалсан номын жагсаалт” гэдэг цэс гарч ирнэ. Үүнээс та айлтгасан номуудаа нягталж шалгах боломжтой бөгөөд “Мөнгөн дүн” хэсэгт тушаах мөнгөн дүнгээ оруулах ба “Үргэлжлүүлэх” ногоон товчийг дарна. (Жич: Зүүн хүрээ Дашчойлин хийд нь номын тариф байхгүй. Харин мөнгөн дүнгийн доод нэгж нь 3000₮ байна.)
6. Дараагийн цэсэнд таны өмнө нь оруулсан мэдээллүүд дахин гарч ирэх ба түүнийгээ хянаж шалгаад “Төлөх” товчин дээр дарна.
7. “Төлбөр төлөх” цэсэнд “Интернэт банкаар төлөх”, “Мобайл банкны аппликэйшнээр төлөх” гэсэн 2 төрлийн хэсэг бүхий сонголтуудаас аль өөрт тохиромжтойгоо сонгон эцэст нь “Төлөх” хэсэг дээр дарснаар таны ном захиалагдана.

 

Холбоотой мэдээ

Э.Даваажамцыг хоёр өрөө байраар шагнаж цалинтай чөлөө олголоо

Хатанбаатар Магсаржавын нэрэмжит, Цэргийн гавьяаны улаан тугын одонт, Зэвсэгт хүчний 123-р ангийн

2021-07-26

Олон Улсын Баримт Шалгагчдын Сүлжээний гишүүн боллоо

Сэтгүүл Зүйн Инновац Хөгжлийн Үүр төв-ийн дэргэдэх Mongolian Fact-Checking Center (MFCC) нь 2021 оны

2021-07-25

Вирусын эсрэг эмийн нөөц хангамж сайжирч үнэ буурна

Монгол Улсын Шадар сайд С.Амарсайхан Засгийн газрын хэрэгжүүлэгч агентлаг Эм, эмнэлгийн хэрэгслийн х

2021-07-22